You can do Dewey...

სულ 30 წუთი დამრჩა იმისათვის რომ ჯერ კიდევ მოვასწრო თქვენთვის გიორგობის მოლოცვა და ამასთან ერთად „ყვითელი ავტობუსის“ ახალი იდეაც გაგიზიაროთ.

გილოცავთ წმინდა გიორგის თავისკვეთის დღეს!

გადავწყვიტეთ, 88 წლის შემდეგ, ცნობილი ამერიკელი ფსიქოლოგისა და სკოლების რეფორმატორის ჯონ დიუის „მომავლის სკოლები“ გენმეორებით გამოვცეთ. ეს იქნება „ყვითელი ავტობუსის“ პირველი აკადემიური გამოცემა. იმისათვის, რომ ყველამ თანაბრად მიიღოს საქმიანობაში მონაწილეობა საჭიროა საქმიანობის განაწილება:

1. ტექსტის აკრეფა (ზუსტად ისე, როოგრც გადმოგიგზავნით)
2. ტექსტის რედაქტირება
3. ინტერნეტ სივრცეში არსებული დიუის ნაშრომების თავმოყრა და თარგმნა
4. აკადემიური გამოცემის წინასიტყვაობის, შესავალისა და კომენტარების მომზადება
5. ვებგვერდისთვის დიუის ნაშრომების აქტუალობის შესახებ მცირე სტატიის მომზადება და გამოქვეყნება
6. 8 საათიანი ტრენინგმოდულის მომზადება არსებული მასალების გასააქტიურებლად (თავისი სლაიდებით, საკითხავი მასალით. სრული სასწავლო პაკეტი)
7. საპილოტე ტრენინგის ანგარიშის მომზადება
8. მოძიებული თარგმნილი და შექმნილი მასალების შერჩევა, გადამუშავება და ტექსტის საბოლოო რედაქტირება
9. წიგნის გამოცემა

პირველ ეტაპზე ჩვენი მიზანია ტექსტის აკრეფა.

„ყვითელი ავტობუსის“ მგზავრებმა უკვე დაინაწილეს გარკვეული ნაწილები:

ელენე ფირცხალავა: 1-13 და 84-105 გვერდი

მაგდა აბესაძე: 14-26 გვერდი

ლელა ქისტაური: 27-39 გვერდი

ნინო ფანჩულიძე: 40-53 გვერდი

პაატა პაპავა: 67-83 გვერდი

ზვიად მიმინოშვილი: 54-66 გვერდი

კიდევ დარჩენილია 139 გვერდი: 106-244

გთხოვთ 8 მაისამდე გამომიგზავნოთ თქვენი ელექტრონული ფოსტის მისამართები, სახელი და გავრი იმ შემთხვევაში თუ განიზრახავთ დიუის აკადემიური გამოცემის საქმეშ თქვენი წვლილი შემოიტანოთ. ამ ეტაპზე ტექსტის სასწრაფოდ აკრეფაა საჭირო.

ტექსტს ვკრეფთ სიტყვა-სიტყვით. იმას რასაც ვხედავთ.

აკადემიური გამოცემა „ყვითელი ავტობუსის“ ეგიდით განხორციელდება. როგორ და რაგვარად ეს ერთად უნდა გადავწყვიტოთ უახლოეს შეხვედრაზე.

აკადემიურ გამოცემაზე დაფიქსირდება პროცესში ჩართული ყველა მონაწილის სახელი და გვარი.

ველი თქვენს გამოხმაურებას.

პატივისცემით,

ზვიად მიმინოშვილი

სპეციალურად ”ყვითელი ავტობუსის” წევრებისათვის VAZNARELI STUDIO ატარებს ერთთვიან ფოტო-სემინარს (თვეში რვა გაკვეთილი). ვისაუბრებთ ფოტოგრაფიაზე, ფოტოგრაფიის ისტორიაზე, გამოჩენილ ფოტოგრაფებზე, მათ შემოქმედებაზე. განვიხილავთ ფოტოგრაფიულ ჟანრებს(პეიზაჟი, პორტრეტი, რეპორტაჟი და სხვ.), ფერად და შავთეთრ ფოტოგრაფიას, თანამედროვე ციფრულ ფოტოგრაფიას. შევისწავლით ფოტოგრაფიას ტექნიკური თვალსაზრისით (ოპტიკა, ფოტო-მასალები). დავეუფლებით გადაღების ტექნიკას და რაც მთავარია... შევასრულებთ პრაკტიკულ დავალებებს. სწავლის ბოლოს გაიცემა სერტიფიკატი. სწავლების საფასური შეადგენს 50 ლარს. სურვილის შემთხვევაში სწავლის გაგრძელება შესაძლებელია სექტემბრიდან (სრული კურსი 3 თვე).

P.S. მსურველებმა შეტყობინება დატოვეთ ”ყვითელი ავტობუსის” გვერდზე ან მიმართეთ პაატა პაპავას.

– სად მოვხვდით?

– ყვითელ ავტობუსში.

– ???

– საინტერესო, შემოქმედებითად მოაზროვნე "თანამგზავრთა" ჯგუფია.

– რას აკეთებთ?

– ვსწავლობთ და ვქმნით.

– რას სწავლობთ?

– სწავლას... და გამოხატვას.

– რას აკეთებთ, რას ქმნით?

– გარემოს, განწყობას, მეთოდებს, ტექსტებს, სპექტაკლებს, პრეზენტაციებს, ჩანაწერებს, ინტერვიუებს, ექსკურსიებს, – ყველაფერს, რაც ადამიანს საკუთარი თავისა და სამყაროს გაგებისკენ უბიძგებს, სულიერად ამდიდრებს და გონებრივად აღრმავებს.

– როდის დაიწყო?

– 2010–ში, გაზაფხულზე.

– ვინ არიან ჯგუფის წევრები?

– მასწავლებლები, ტრენერები (გნებავთ, მწვრთნელები), ლექტორები, ლიტერატორები, – ერთი სიტყვით, ადამიანები, ვინც ამა თუ იმ გზით შემოქმედებას, განათლებას ან ორივეს ერთდროულად ემსახურება.

– რას აპირებთ?

– სწავლას. უწყვეტ თვითგანათლებას და ურთიერთგანათლებას. ასევე, ბევრი ინოვაციური, საინტერესო და სასარგებლო პროდუქტის შექმნას დიდებისა და პატარებისთვის.

– რომელია თქვენი მთავარი თემები?

– გაგება, თვითგამოხატვა, კრეატიულობა.

– რა ფორმატში საქმიანობთ?

– სამი ძირითადი ფორმატი გვაქვს: მასტერ–კლასი, ექსკურსია, ლაივ–ჟურნალი.